Autoridade Nacional do Petróleo de Timor-Leste (ANP, I.P.) ho orgullu atu fó sai estabelesimentu Sentru Servisu Apoiu ba Emprezariál (ESSC), plataforma online inovadora ne’ebé dezeña atu serve nu’udar sentru sentrál ba aprovizionamentu sasán no servisu lokál ba Operasaun Petrolífera sira iha Timor-Leste. Inisiativa ida-ne’e partikularmente signifikativu tanba aliña ho dekomisaun iminente kampu mina-rai Bayu-Undan nian.
Objetivu sira husi Sentru Servisu Apoiu ba Empreza (ESSC) maka:
- Hasa’e Partisipasaun Empreza Timor-Leste: Hasa’e envolvimentu negósiu lokál sira iha setór mina no gás liuhosi fornese apoiu no rekursu nesesáriu atu ajuda sira kompete no hetan susesu.
- Fornesedór sira ne’ebé kualifikadu: Asegura disponibilidade fornesedór sira ne’ebé kualifikadu iha rejiaun laran liuhosi kria grupu fornesedór sira ne’ebé prienxe padraun internasionál sira, nune’e hadi’a kualidade no konfiabilidade jerál hosi kadeia fornesimentu nian
- Harii Kapasidade Lokál: Dezenvolve abilidade no kapasidade fornesedór lokál sira nian hodi partisipa ho efetivu iha kadeia valór aprovizionamentu mina no gás.
- Jere Konteúdu Lokál Signifikativu: Promove kriasaun konteúdu lokál ne’ebé aumenta valór ba ekonomia Timor nian no apoia dezenvolvimentu sustentável.
- Fasilita Envolvimentu: Enkoraja interasaun entre operadór sira no subkontratór sira hodi haburas ambiente kolaborativu ida.
- Haburas Aliansas no Parserias: Promove parserias entre fornesidores internasionais no fornesidores Timor-Leste hodi hasae koperasaun no kresimentu mutual.
Objetivu sira ne’e aliña ho objetivu estratéjiku sira ne’ebé trasa iha Timor-Leste nia Planu Dezenvolvimentu Ekonómiku 2011-2030, ho objetivu atu maximiza partisipasaun sidadaun timoroan no empreza sira iha indústria petrolífera.
