‘Parseria Enerjétika Timor-Leste Austrália (TLAEP) lidera husi Departamentu Indústria, Siénsia no Rekursu (DISR) Austrália nian no Autoridade Nasionál Petróleu (ANP) Timor-Leste nian.
Parseria ne’e estabelese iha tinan 2022 hodi aprofunda ligasaun koñesimentu, komérsiu no investimentu entre Timor-Leste no Austrália iha setór rekursu sira.
Parseria ne’e apoia negósiu, instituisaun no vizita delegadu governu entre Timor-Leste no Austrália hodi fahe koñesimentu, harii ligasaun indústria, hametin relasaun negósiu no akadémika; no harii kapasidade forsa traballu iha setór rekursu Timor-Leste nian.
Parseria ne’e iha dalan haat: Governu ba Governu, Formasaun ba Formadór sira, Negósiu no Akademia.
Academia
- Iha ami nia Akademia, ami hala’o ona programa rua.
- Primeiru maka programa bolsu estudu ba profisionál Timor-oan na’in 6 ne’ebé maka iha kareira klaran ne’ebé maka hamutuk ho mentór australianu ida iha projetu peskiza ida.
- Tópiku peskiza sira kobre análize perigu sísmiku ba Planta LNG potensiál sira; impaktu sira hosi enkuadramentu reguladór saúde no seguransa nian ne’ebé maka’as; no avaliasaun ida kona-ba responsabilidade sosiál ba kampu gás sira Bayu-Undan nian.
- Peskiza ida-ne’e ne’ebé fó hanoin signifikativu kona-ba área oioin husi setór enerjia Timor-Leste nian, aprezenta ona ba sira-nia maluk sira iha eventu ida iha Dili iha tinan kotuk.
- Bolseiru sira ho susesu hakat ba oportunidade oioin: ida maka iha konsellu administrasaun ba ANM; ida simu bolsa estudu Prémiu Austrália nian; no ida seluk husu atu tama iha Militár Timor nian hodi halo enjeñaria sísmika.
- Ami nia atividade daruak maka programa Fortalesimentu Institutu Peskiza nian.
- Iha atividade ne’e nia okos, ami halo parseria ho instituisaun timoroan tolu no universidade timoroan tolu ho profesór sira hosi universidade Austrália nian hodi hala’o peskiza kona-ba tópiku sira hanesan: kaptura no armazenamentu karbonu; enerjia jeotermál; no lisensiamentu sosiál.
- Ekipa peskiza rua maka hili ona atu aprezenta sira nia deskobrimentu sira iha Konferénsia Produtór Enerjia Austrália nian iha fulan-Maiu.
Formasaun ba Formadores
- Korrente Formasaun ba Formadór sira ho objetivu atu haruka formadór australianu sira mai Timor-Leste hodi hasa’e abilidade instrutór sira hodi permite sentru formasaun timoroan sira atu oferese kualifikasaun australianu ka rekoñesidu internasionalmente.
- Agora daudaun ami iha faze finál sira hodi organiza kursu ida ne’ebé sei entrega hosi Weld Australia.
- Wainhira kompleta ona, sentru formasaun timoroan sira sei bele hasai sertifikadu soldadura ne’ebé rekoñesidu hosi Austrália ba traballadór timoroan sira hodi hadi’a sira-nia perspetiva serbisu nian.
Gevernu ba Governu
- Iha korrente Governu-ba-Governu nia okos ami fasilita ligasaun sira entre ANP no Governu Austrália nian, no ho Líder sira Indústria nian.
- Iha Novembru tinan kotuk, ami fasilita diskusaun Kualidade Kombustível entre ANP, Institutu Nasionál Medisaun no Departamentu Mudansa Klimátika, Enerjia, Ambiente no Bee.
Fluxu Negósiu
- Korrente Negósiu fasilita ligasaun entre empreza timoroan no australianu sira.
- Ami servisu maka’as atu kria dalan ba empreza timoroan sira atu envolve ho Operadór Australianu sira, fornesedór servisu sira, no parseiru potensiál sira, hodi garante katak sira iha pozisaun di’ak atu partisipa iha setór enerjia.
Foto Galeria
