Iha loron 21 Marsu 2025; Autoridade Nacional do Petróleo, I.P. (ANP) hala’o workshop iha loron ida hodi City 8 Manleuana, Dili, hodi halibur reprezentante sira husi ajénsia governamentál oin-oin. Workshop atu fahe informasaun legál no administrativa, relasiona ho atividade peskiza mina no gás iha área rai-maran Timor-Leste nian liu-liu iha área Kontratu Fahe Produsaun-KFP TL-OT-22-22 ne’ebé kobre munisípiu Viqueque. Workshop ne’e hanesan plataforma ida ba HTS Exploration Ltd, operadór ba área kontratu KFP TL-OT-22-22.Reprezentante sira husi ajénsia xave governu nian, fornese rekizitu legál no administrativu sira husi sira-nia área ida-idak hodi apoia efikásia husi atividade peskiza ne’e. Ajénsia sira ne’ebé marka prezensa maka Autoridade Aduaneira, Serviços Migração Timor-Leste, SEFOPE, Aportil, Timor Port SA, Autoridade Tributaria, PNTL UEP, no Prezidente Autoridade Munisipál (PAM), Viqueque, Francisco Cruz Simões de Gonzaga Soares, hamutuk ho nia ekipa no ANP.Ajénsia governu nian ida-idak aprezenta ninia regulamentu no rekizitu espesífiku sira, hodi garante katak HTS Exploration Ltd kompriende pasu konformidade nesesáriu sira hodi adere ba Timor-Leste nia lei no regulamentu sira. Esforsu kolaborativu ida ne’e subliña importánsia husi kooperasaun entre ajénsia sira hodi haburas dezenvolvimentu sustentável no responsavel iha setór mina no gás.Sesaun loron ida ne’e instrumentál hodi ekipa HTS Exploration Ltd ho koñesimentu ne’ebé presiza atu navega paizajen legál no administrativu operasaun petrolífera iha Timor-Leste. Liuhosi familiariza operadór foun ho entidade governamentál relevante sira no sira-nia regulamentu, ANP hakarak atu promove ambiente esplorasaun ne’ebé seguru no efisiente.
