Komunikadu Imprensa
Autoridade Nacional do Petróleo (ANP),I.P Timor-Leste ho Universidade da Paz (UNPAZ) asina nota entendementu kona-ba programa estudante finalista nian ne’ebé involve mós estajiu ba estundate-sira no kolesaun dadus..
Asinatura nota entendementu ida marka atinjimentu importante ida entre ANP ho UNPAZ, ho objetivu atu halo kombinasaun entre teoria no pratika, hodi aumenta kuñesementu estundante-sira nian, liu-liu sira ne’ebé involve iha programa finalista nian.
“Ami kontente hodi formaliza ami nia kolaborasaun ho UNPAZ liu husi asinatura nota entendementu ida ne’e. Parseria ida ne’e oferese ba estundante-sira atu kumprende setor petróleu esplora opurtunidade husi área seluk. Agora dadaun, ami forma ona grupu estudante peskiza ida ne’ebé estudante petróleu nian husi universidade oin-oin Timor-Leste, no ami espera UNPAZ mós bele hola parte iha grupu ne’e’, dehan Sr. Gualdino da Silva, Presidente ANP.
Iha tempu hanesan, Reitor UNPAZ akresenta katak UNPAZ sei ajusta ninia kurikulum hodi akomoda ideia-sira husi President ANP, hodi hatan ba nesesidade merkadu agora nian.
Nota entendementu ne’e asina husi Adolmando Soares Amaral, Lic. Eco., MM, Reitor UNPAZ no Gualdino da Silva, President ANP ho prezensa husi Dekanu Fakuldade Enjineiria, Jose Manuel Manequin, AP., Lic.Eng.
