Inspesaun Preliminar
Inspesaun Preliminar hanesan inspesaun obrigatóriu ne’ebé halo ka realiza wainhira ANPM simu pedidu aplikasaun ba lisensa atividade Downstream, bazeia ba regulamentu Nu.1/2012, atu asegura konformidade ba lei no regulamentu sira ne’ebé aplika no atu konfirma katak sira kumpre duni rekezitus tekniku no kondisaun seguransa hodi hala’o atividade sira Downstream-nian, nomós ba sira nia respetiva renovasaun, alterasaun no transferensia.
Inspesaun Aleatória
Inspesaun Aleatória hanesan atividade verifikasaun emerjensia ida sein notifikasaun husi Diretor Downstream ka Jerente Inspesaun bazeia ba konkordansia hodi hare rekezitu sira kona-ba lisensa negosiu, fatin, infraestrutura downstream no veíkulu ne’ebé iha relasaun ho atividade Downstream-nian ne’ebé iha ona ka sei iha planu atu hola. Objetivu husi inspesaun aleatória ida ne’e maka atu avalia arbitariamente ba ezistensia husi kualker atividade illegal ne’ebé realiza ka hala’o hela husi empreza sira, lokalizasaun, Inftrastrutura downstream no ne’ebé maka realiza hela ka deskunfia atu hala’o ka implementa.
Inspesaun Ofensa
Inspesaun Ofensa hanesan inspesaun ida ne’ebé konsiste husi investigasaun ida sein notifikasaun, atu fo lisensa ba empreza, lisensa ba lokalizasaun, infrastrutura Downstream no veíkulu sira ne’e mai ka liuhusi atividade Downstream nian ne’ebé maka halao dadaun hela ka deskunfia atu halao ka implementa.
