PROGRAMA ESTÁJIU PÓS-GRADUASAUN

Objetivu

Programa estajiu iha ANP ho objetivu atu introdús ambiente serbisu ne’ebé reál no profisionál ba estajiariu sira hodi prepara ka forma graduadu foun sira nia futuru kareira profisionál. Ho ida ne’e, ANP oferese oportunidade oi-oin ba graduadu foun sira atu hahu kumprende ANP nia funsaun nudar reguladora no setór rekursu naturáis to’o área sira seluk ne’ebé iha relasaun ho serbisu korporativu sira. Iha mós esperansa ida katak depois estajiu, graduadu sira ne’e sei hetan konfidensia no iha kumpriensaun diak liu tan kona-ba sira nia futuru ba kareira profisionál nian.

Prinsípiu Jeral

Aplikante ba programa sira ne’e tenki ho nasionalidade Timor-Leste. ANP sei la oferese empregu maibe sei oferese oportunidade ba estajiariu sira hodi hetan esperensia no hasa’e sira nia abilidade iha kampu serbisu ne’ebé espesífiku ho disiplina oi-oin. submete husi Aplikante tenki indika área interesante no relevante ho ANP nia funsaun no regulamentu. Aplikante sira tenki defende, proteje no garante seguru ba ANP husi kontra reklamasaun hotu-hotu, demanda, responsabilidade, prosesu no estraga kustu ba kualker tipu natureza ne’ebé mosu kauza husi estajiariu sira no estudante sira durante sira nia kontratu ho ANP. Aplikante tenki konkorda atu adere ba ANP nia polítika no prosedura, kontrola prezensa no interasaun iha ANP, uza propriedade ANP nian, órario serbisu no kuríkulu estajiu ne’ebé estabelese iha ANP.

Se Mak Bele Aplika?

Se karik ita boot hanesan graduadu ne’ebé foin mak hetan diploma instituisaun ensinu superior no interese atu hetan esperensia serbisu relasiona ho ita boot sira nia estudu iha ANP, bele aplika programa ne’e.

Kareira sira

ANP oferese kursu oi-oin ne’ebé kategoriza ba grupu rua ne’ebé diferente hanesan Tékniku no Koorporativu ba Estájiariu. Wainhira atu aplika, Ita boot presija hili ida deit husi área sira ne’ebé maka ita boot sira interese iha lista kraik ne’e.

Períodu

ANP realiza programa estájiariu iha períodu rua ne’ebé diferente iha kada fulan ne’en (6) ba kada grupu durante tinan ida nia laran. Iha kada períodu ne’e ANP oferese programa estájiu ba kuaze hamutuk 30 ba leten ne’ebé distribui ba diresaun tomak iha ANP.

Kritériu Esensiál

1. Nasionalidade Timor-Leste
2. Formasaun Superior iha área ida ne’ebé maka oferese
3. Mínimu hetan 2,5 GPA iha kursu hotu ne’ebé foti iha pós-graduasaun.
4. Iha kapasidade komunika ho lingua inglês (hakerek no ko’alia) pré-rekezitu.

Alein de ne’e, ita boot mós tenki:

1. Graduadu no la serbisu iha institusaun seluk ruma wainhira ita boot aplika ba programa ne’e
2. Presija ema ne’ebé iha komitmentu atu kompleta programa ne’e to’o iha períodu final
3. Bele simu no kumpri termus no kondisaun sira tuir Akordu Estájiu no Akordu Konfidensialidade

Sei laiha kompensasaun ba prestasaun serbisu bazeia kontratu estájiu husi ANP ho Estajiáriu.

ANP bele deit reimbursa osan transporte ba estajiáriu sira husi uma ba serbisu fatin no mós husi serbisu fatin fila ba uma durante hala’o atividade estajiu bazeia ba prosedura estajiariu nian.

Benefisiu

ANP bele fornese deit benefísiu ba estajiáriu sira ne’ebé visita kampu serbisu iha rai laran relasiona ho asuntu serbisu nian bazeia proposta husi diresaun kompetente tuir data determinadu. Benefisiu hirak ne’e kobre ba asuntu transporte no hahan. Estajiariu sira sei la simu direta osan refere. Xefe ou koordenador visita kampu maka sei rai no jere osan hirak ne’e ba despezas tomak durante visita kampu serbisu.

Iha kraik ne’e maka deskrisaun pozisaun ba programa sira ne’ebé ita-boot bele download (klik iha programa atu download):

Kontaktu no apoiu

Atu hetan informasaun klaru kona-ba programa estajiu pós-graduasaun no oinsa prosesu inskrisaun nian, bele kontaktu mai iha ne’e;

HRD