PUBLIKASAUN BA LEILAUN SASAN HUSI AUTORIDADE NACIONAL DO PETRÓLEO I.P. (ANP)
Autoridade Nacional do Petróleu (ANP) hanesan instituisaun públiku, ne’ebé estabelese ho dekretu lei No. 62/2023, loron 6 Setembru, alterasaun datoluk husi dekretu lei No. 20/2008 loron 19 Juñu kona-ba Autoridade Nacional do Petróleu, ne’ebé iha responsabilidade atu maneja no regula atividades petróleu iha área Timor-Leste, iha tasi laran no iha rai maran inklui Rejime Espesial Greater Sunrise, bazeia ba Dekretu Lei ba estabalesementu ANP, Lei Atividade Petróleu Timor-Leste nian no Tratadu Fronteira Marítima.
Estabelesementu ANP atu superviziona lala’ok lei no regulamentu sira kona-ba prosesu peskiza, dezenvolvimentu, produsaun, transportasaun no distribuisaun petróleou nian. Knar seluk mak atu dezenvolve-an sai instituisaun jestor petróleu ida ne’ebé forte iha Timor Leste.
Iha biban ida ne’e, Autoridade Nacional do Petróleu hakarak informa ba públiku katak, ANP sei realiza atividade leilaun ba públiku ba sasan sira maka hanesan kareta, mobiliariu no ekipamentu teknolojia informasaun. Rezultadu ba prosesu leilaun nian sei anunsia kedas iha data leilaun nian.
Atividade leilaun sei hala’o iha:
Loron: Sabadu 28 Dezembru 2024
Fatin: Edifisiu tuan ANP Farol (Gabinete Ministeriu Petróleu e Recurso Minerais nia sorin)
Oras: 08.00 – 16.00 Otl
Formuláriu ba leilaun sei bele ba foti de’it iha loron no data ne’ebé ANP sei realiza atividade leilaun nian.
Karik iha dúvida ruma, halo favór kontaktu ba eskritóriu ANP via telefone +670 73099995 / 73099996/73099997 atu hetan informasaun detallu.
ANP nia dezeju Natal Kmanek 2024 no Ksólok Tinan Foun 2025 nakonu ho dame ba ita tomak.
Obrigadu wa’in ba ita bo’ot sira hotu nia atensaun.
